بلخ، واپس آنے والے مہاجرین کے لیے ایک عارضی کیمپ قائم

کابل(الامارہ )

بلخ محکمہ امور وآباد کاری مہاجرین کے حکام کا کہنا ہے کہ صوبائی دارالحکومت مزار شریف میں پاکستان سے واپس آنے والے خاندانوں کے لیے ایک عارضی کیمپ قائم کر دیا گیا ہے۔

بلخ کے صوبائی ڈائریکٹوریٹ آف ریفیوجیز اینڈ ریپیٹریشنز کی طرف سے جاری کردہ ایک بیان میں کہا گیا ہے کہ ڈائریکٹوریٹ آف ریفیوجیز اینڈ ریپیٹریشنز کی سربراہی میں ایک مشترکہ کمیشن نے مزار شریف شہر کے “گوریمار” علاقے میں پاکستان سے واپس آنے والے خاندانوں کے لیے ایک عارضی کیمپ قائم کیا۔

معلومات کے مطابق، اس کیمپ میں پناہ گزینوں کے لیے تمام سہولیات کو مدنظر رکھا گیا ہے، نیز پانی،نقل و حمل کی خدمات، تعاون کرنے والی ایجنسیوں سے ضروری سامان کی فراہمی اور دیگر بہت سی سہولیات موجود ہیں۔

پاکستان سے واپس آنے والے خاندان ایک ماہ تک اس کیمپ میں رہیں گے، اور ابتدائی طبی امداد حاصل کرنے کے بعد، انہیں بلخ کے دارالحکومت، مزار شریف اور اضلاع کے ساتھ ساتھ جوزجان، فاریاب اور سرپل صوبوں کو منتقل کردیا جائے گا۔