نام کاربری یا نشانی ایمیل
رمز عبور
مرا به خاطر بسپار
کابل ( بی این اے ) امیر المؤمنین حفظہ اللہ کے خصوصی فرمان اور نائب وزیر اعظم برائے اقتصادی امور کی ہدایات اور اقتصادی کمیشن کی ایک قرارداد کی بنیاد پر ایک بین الوزارتی سرمایہ کاری کمیٹی قائم کی گئی جس کا پہلا اجلاس گزشتہ روز منعقد ہوا۔
نائب وزیراعظم برائے اقتصادی امور کے سپیشل سیکرٹری مولوی عبداللہ عزام نے ملاقات میں کہا کہ امارت اسلامیہ کی آمد سے افغانستان نے معیشت کے میدان میں بہتری کی جانب پہلا قدم اٹھایا ہے اور اس کے اچھے نتائج سامنے آئے ہیں۔
عزام نے مزید کہا کہ افغانستان میں سرمایہ کاری کے حوالے سے بے شمار مواقع موجود ہیں اور یہ کمیٹی ملکی اور غیر ملکی سرمایہ کاروں کو ضروری سہولیات فراہم کرے گی اور سرکاری اداروں میں افسر شاہی کو روکے گی۔
اسی دوران اقتصادی کمیشن کی ٹیکنیکل کمیٹی کے سربراہ مولوی ذبیح اللہ ناصر جو کہ بین وزارتی سرمایہ کاری کمیٹی کے بھی ذمہ دار ہیں، نے کہا کہ یہ کمیٹی اقتصادی سیکرٹریٹ کے ماتحت کام کرتی ہے اور اس کا مقصد ایک پلیٹ فارم سے ملکی اور غیر ملکی سرمایہ کاری کے منصوبوں میں تیزی اور شفافیت اور سرمایہ کاروں اور متعلقہ وزارتوں کے درمیان موثر ہم آہنگی پیدا کرنا ہے۔
اس اجلاس میں فیصلہ کیا گیا کہ اس کمیٹی کے طریقہ کار کو مزید بہتر بنانے کے لیے تمام متعلقہ وزارتیں تحریری طور پر مذکورہ کمیٹی کے سیکریٹریٹ کے ساتھ 3 دن کے اندر اپنا موقف اور مشورے تحریری طور پر کمیٹی کے دارالانشاء میں جمع کرائیں۔ جس کے بعد تمام مشوروں پر غور کرکے ان کی روشنی میں ایک جامع لائحہ عمل تیار کیا جائے گا اور منظوری کے لیے اکنامک کمیشن کو پیش کیا جائے گا۔
یہ مضمون بغیر لیبل والا ہے۔
لید بند دی.