ہرات: صوبے میں سرچ آپریشن کے نتیجے ۱۳ شر پسند گرفتار، بڑی مقدار میں اسلحہ برآمد :

سیکیورٹی حکام کا کہنا ہے کہ: ہرات کی صوبائی پولیس کمان کے انسداد دہشت گردی فورس نے گزشتہ ماہ کے دوران صوبے کے مختلف علاقوں میں شر پسندوں کے خلاف متعدد کارروائیاں شروع کی ہیں اور کچھ ہتھیار اور فوجی سازوسامان برآمد کرنے میں کامیابی حاصل کی ہے۔ برآمد ہونے والے اسلحے اور گولہ بارود میں ۹ دستی بم، ۲۹ مارٹر گولے، ۸ کلاشنکوف ، ۵ پستول، ۲۰ ایم ۱۶ کی گولیاں، ۱۱۷ کلاشنکوف کی گولیاں، ۱۰ ریڈیو سیٹ، ۴۰۸ ہیوی مشین گن کی گولیاں، ۷ راکٹ لانچر کے گولے اور دیگر فوجی سامان شامل ہے۔
اس کے علاوہ ۱۳ افراد کو گرفتار بھی کیا گیا۔