نام کاربری یا نشانی ایمیل
رمز عبور
مرا به خاطر بسپار
کابل (بی این اے) نائب وزیراعظم برائے سیاسی امور مولوی عبدالکبیر سے سابقہ حکومت میں کام کرنے والے متعدد فوجی جرنیلوں نے ملاقات کی۔ نائب وزیر اعظم مولوی عبدالکبیر نے کہا کہ امارت اسلامیہ ملک کے جرنیلوں کے تجربات سے استفادہ کرنے کے لیے تیار ہے۔ اجلاس میں ڈپٹی چیف آف اسٹاف، آرمی اور پولیس کور کے کمانڈرز اور سابق انتظامیہ کے قومی سلامتی کے حکام نے شرکت کی۔ ملاقات کے دوران جنرل افضل امان اور جنرل شور گل پشتون نے دیگر کی نمائندگی کی اور امارت اسلامیہ کی جانب سے عام معافی کو سراہا۔ ان کا کہنا تھا کہ سابقہ انتظامیہ کے 70 فیصد فوجی افغانستان میں موجود ہیں اور پرسکون اور پراعتماد زندگی جی رہے ہیں۔ انہوں نے افغانستان کو اپنا گھر اور اسلامی نظام کو اپنے عزائم میں سے ایک قرار دیا اور یقین دلایا کہ وہ امارت اسلامیہ کے ساتھ ہر قسم کے تعاون کے لیے تیار ہیں۔ مولوی عبدالکبیر نے اپنی گفتگو میں کہا کہ تمام مجاہدین معافی کے حکم کے مطابق اپنی ذمہ داریاں نبھا رہے ہیں، اور اطمینان دلایا کہ سابقہ فوجیوں کے لیے کوئی پریشانی نہیں ہوگی۔ انہوں نے مزید کہا کہ تمام سابقہ انتظامیہ کے افغان ملازمین افغانستان میں پرامن اور محفوظ زندگی گزار رہے ہیں۔ آخر میں نائب وزیر اعظم کی طرف سے سابق فوجی افسروں کو نقد امداد دی گئی۔
دیدگاهها بسته است.