نام کاربری یا نشانی ایمیل
رمز عبور
مرا به خاطر بسپار
کابل (بی. این. اے)
ترکی سفیر جانک اونال نے افغان وزیر خارجہ مولوی امیر خان متقی سے دفتر خارجہ میں ملاقات کی۔ افغان وزیر خارجہ نے اسرائیل کی صیہونی حکومت سے تجارتی تعلقات منقطع کرنے کے ترک حکومت کے حالیہ فیصلے کی تعریف کی۔ اس کے علاوہ دونوں راہنماؤں کے درمیان دو طرفہ تعلقات، افغانستان میں حالیہ مثبت اقدامات اور کئی ممالک کے اعلیٰ سطحی سیاسی و اقتصادی وفود کی آمد پر بھی تبادلہ خیال کیا گیا۔ وزیر خارجہ نے لاجورد کی تجارت شروع کرنے اور دونوں ممالک کے تاجروں کی مشترکہ کوششوں سے ترکیہ اور افغانستان میں مصنوعات کی مشترکہ نمائش کے انعقاد پر بھی بات چیت کی۔ ترک سفیر نے کہا کہ وہ افغانستان میں ہونے والی حالیہ پیش رفت سے خوش ہیں۔ انہوں نے ترکی افغانستان تعلقات کی توسیع کے حوالے سے مزید کوششوں اور مشترکہ کام کی خواہش کا اظہار کیا۔ اونل نے مزید کہا کہ کابل کےلیے ترکش ایئر لائنز کی پروازیں آئندہ چند دنوں میں شروع ہو جائیں گی۔ یاد رہے کہ افغانستان اور ترکی کے درمیان اچھے تاریخی تعلقات کے پیش نظر دونوں عوام کی توقعات پر پورا اترنے کے لیے مشترکہ کوششوں پر اتفاق کیا گیا۔
یہ مضمون بغیر لیبل والا ہے۔
دیدگاهها بسته است.