نام کاربری یا نشانی ایمیل
رمز عبور
مرا به خاطر بسپار
کابل (بی این اے) نائب وزیراعظم برائے انتظامی امور مولوی عبدالسلام حنفی سے صوبہ فاریاب کے نائب گورنر مولوی حمید اللہ ارشاد نے ملاقات کی۔ صدارتی محل ارگ نے ایک پریس ریلیز میں کہا کہ؛ اس ملاقات میں صوبہ فاریاب کے نائب گورنر مولوی حمید اللہ ارشاد نے نائب وزیر اعظم کو اپنے صوبے کی سماجی و معاشی صورتحال اور صوبہ فاریاب کی مقامی انتظامیہ کی سرگرمیوں اور اقدامات سے آگاہ کیا۔ انہوں نے مزید کہا کہ اس صوبے کے مجاہدین اور امارت اسلامیہ کے مقامی حکام بغیر کسی تاخیر اور رکاوٹ کے لوگوں کے مسائل کے حل اور سیکورٹی کو یقینی بنانے کے لیے کوشاں ہیں۔ انہوں نے کہا کہ حکومت کو اس صوبے کے دور دراز علاقوں میں ترقیاتی منصوبوں کے نفاذ کے ساتھ ساتھ بجلی ڈیموں کی تعمیر پر خصوصی توجہ دینی چاہیے کیوں کہ یہ اس صوبے کے عوام کی بنیادی ضروریات میں شامل ہیں۔ اسی دوران نائب وزیر اعظم مولوی عبدالسلام حنفی نے صوبہ فاریاب کے حکام کی سرگرمیوں اور کارکردگی کو سراہتے ہوئے کہا کہ لوگوں کے مسائل حل کرنا اور انہیں سہولیات فراہم کرنا امارت اسلامیہ کی ذمہ داریوں میں سے ہے۔ اس سلسلے میں متعلقہ ذمہ دار دن رات کوششیں کر رہے ہیں۔ مولوی عبدالسلام حنفی نے کہا کہ امارت اسلامیہ دستیاب وسائل کے دائرے میں آپ کے مطالبات پر غور کرے گی۔ انہوں نے تمام مقامی مجاہدین اور ذمہ داران سے بھی کہا کہ وہ مجموعی سیکورٹی کو یقینی بنانے کے لیے مزید کوششیں کریں۔
یہ مضمون بغیر لیبل والا ہے۔
دیدگاهها بسته است.