’’ماہنامہ شریعت‘‘کانیاشمارہ منظرعام پرآگیا ہے۔

‏

‏   امارت اسلامی کا ماہِ اکتوبر کا سرکاری میگزین ’’شریعت‘‘ اپنی تمام تر تازہ رونقوں کے ساتھ جلوہ افروز ہو گیا ہے، جس میں افغانستان کے تازہ جہادی و سیاسی حالات کے منظرنامے کو واضح ‏کرنے والی تحریروں سمیت قندوز کے بارے میں خاصی بہترین رپورٹس شامل ہیں۔

‏   ’’ایسا نہیں کہ امیر المؤمنین ملا محمد عمر مجاہد رحمہ اللہ کی رحلت سے خدانخواستہ امارت اسلامیہ کو نقصان پہنچے گا یا دشمن اور اس کی کٹھ پتلیوں کے خلاف جاری مقدس جہاد رُک جائے گا۔ ‏اس لیے کہ انہوں نے امارت اسلامیہ کے باغ میں جو پودے لگائے تھے اور انہیں اپنے خون سے سینچا تھا… الحمدللہ! اب ہر پودا اپنی جگہ ایک تناوَر درخت بن چکا ہے۔ جسے اپنی جگہ سے ‏اُکھاڑنا تو درکنار… ہلانا بھی خزاں کے بس میں نہیں ہے۔ امارت اسلامیہ کا ہرہر فرد امیر المؤمنین رحمہ اللہ کی فکر اور ان کے مشن کا سچا وفادار ہے اور شریعت کے مطابق ان کے نقشِ قدم ‏پر چلے ہی میں اپنی کامیابی و کامرانی یقینی سمجھتا ہے۔‘‘

‏   یہ وہ حقیقت ہے، جسے اکتوبر کے ’’ماہنامہ شریعت‘‘ میں بیان کیا گیا ہے۔ شریعت میگزین اس ماہ پھر اپنی پوری آب و تاب کے ساتھ میڈیا کے افق پر طلوع ہوا ہے، جس میں افغانستان ‏کے زمینی حقائق کو درست انداز میں شایع کیا گیا ہے۔ جیسا کہ یہ حقیقت ظاہر ہے کہ اسلام کے نام پر قائم ہونے والی حکومت کو دشمنانِ اسلام کی جانب سے روزِ اول سے منفی پروپیگنڈے ‏کے ذریعے تنقید، تخریب اور اعتراضات کا نشانہ بنایا جاتا رہا ہے، لیکن شریعت میگزین کی یہ خاصیت کافی مقبول رہی ہے کہ اس نے ہمیشہ کسی بھی واقعے کا وہ رُخ عوام کے سامنے لایا ہے، جو ‏درحقیقت معروضی حقائق کے مطابق ہوتا ہے۔ جیسا کہ قندوز کے عسکری کمیشن کے نگران ’’مولوی رحمت اللہ‘‘ نے دشمن کے پروپیگنڈے کے حوالے سے اپنے ایک انٹرویو میں کہا ہے:

‏   ’’(قندوز میں) مجاہدین کی آمد پر افغان عوام انتہائی مطمئن اور خوش نظر آ رہے تھے، جس کا ثبوت ان کی جانب سے مجاہدین کا بھرپور اور والہانہ استقبال ہے۔ یہ میرا دعوی نہیں ہے۔ ‏سوشل میڈیا تک تو آج کل ہر شخص کی رسائی ہے۔ یہ چیزیں ہر وہ شخص جانتا ہے، جو کسی نہ کسی حد تک میڈیا سے وابستہ ہے۔ مجاہدین اور عوام آپس میں گھل مل گئے۔ آپس میں کوئی دوری ‏اور فاصلہ نہیں رہا۔ ہنستے مسکراتے رہے اور خوشی سے تکبیر کے نعرے لگاتے رہے۔ قندوز کے عام نوجوان، طالبان مجاہدین کی باہوں میں باہیں ڈالے ان کے ساتھ محوِ گفتگو نظر آئے۔ یہ ‏منظر ہمارے لیے بہت اطمینان اور خوشی کا باعث تھا۔ ہر مجاہد نوجوانوں اور بڑے بوڑھوں کی محبت پر خوشی سے سرشار تھا۔ حقیقت یہ ہے کہ اپنے عوام کی مجاہدین سے محبت پر مَیں آبدیدہ ‏ہو گیا۔‘‘

‏   اس ماہ کے میگزین میں قندوز کی فتح کے حوالے سے بھی بہت اہم رپورٹ شاملِ اشاعت ہے، جس میں اس بات کو واضح کیا گیا ہے کہ طالبان کے ہاتھوں قندوز اتنی آسانی کے ساتھ فتح ‏کیسے ہو گیا ہے اور وہ کیا وجوہات تھیں، جنہوں نے عوام کو طالبان کا استقبال کرنے پر مجبور کیا تھا…؟ اسی طرح شمارے میں قندوز کے عسکری کمیشن کے سربراہ مولوی رحمت اللہ سے ‏ادارے کی جانب سے کی گئی خصوصی گفتگو بھی شامل ہے، جو یقینا قندوز کے حوالے سے دشمن کے پھیلائے ہوئے پروپیگنڈے کی دُھول صاف کرنے کے لیے کافی ہے۔ انٹرویو میں بتایا گیا ‏ہے کہ قندوز کی فتح سے پہلے اور بعد میں کیا صورتِ حال رہی ہے…؟ اسی طرح قندوز کی فتح کے حوالے سے امیر المؤمنین حفظہ اللہ کا ایمان افروز بیان بھی شامل اشاعت ہے، جو دلوں کی بے ‏چین دھڑکنوں کو شانتی بخشنے کے لیے کافی ہے۔ امیر المؤمنین نے اپنے بیان میں اس بات کی بہت اچھی وضاحت فرمائی ہے کہ وہ قندوز کے علاوہ مکمل افغانستان کی فتح کے بعد عوام کے ساتھ ‏کیسا سلوک روا رکھنا چاہتے ہیں اور اسی ضمن میں کابل حکومت کے اہل کاروں کے ساتھ کیا سلوک ہونا چاہیے… امیر المؤمنین نے اس حوالے سے بھی کافی واضح الفاظ کہے ہیں۔

‏   ساتھ ساتھ امیر المؤمنین ملا محمد عمر مجاہد رحمہ اللہ کے رحلت سے پیدا ہونے والے غم نے اب تک اہلِ اسلام کے دلوں کو مغموم کر رکھا ہے، جس کے تناظر میں کئی قلم کاروں نے آپ ‏رحمہ اللہ کی تعزیت میں لکھا ہے۔ اس کے علاوہ اس ماہ کے شمارے میں بہت کچھ ایسا نیا ہے، جو یقینا طالبان کے بارے میں آگاہی کے خواہش مند افراد کے لیے خاصے کی چیز ہو گی۔ اس کے ‏علاوہ میگزین میں سابقہ روایت کے مطابق دل چسپ سلسلوں سمیت کچھ نئے موضوعات بھی شامل کیے گئے ہیں، جو قارئین کی توجہ کے لائق ہیں۔

پی ڈی ایف فائل ڈاونلوڈ لنک

https://archive.org/download/shariat-44/shariat-44.pdf

یونیکوڈ{ورڈ}فائل ڈاونلوڈ لنک

https://archive.org/download/Shariat44ForWeb/shariat–44%20for%20web.docx

 Torrent Download Links

PDF

https://archive.org/download/shariat-44/shariat-44_archive.torrent

MS Word

https://archive.org/download/Shariat44ForWeb/Shariat44ForWeb_archive.torrent