نام کاربری یا نشانی ایمیل
رمز عبور
مرا به خاطر بسپار
امارت اسلامیہ افغانستان کی کابینہ کے 30ویں اجلاس میں وزارت برائے امور شہدا و معذورین کی جانب سے معذوروں، بیواؤں اور یتیموں کے لیے ماہانہ نقد امدادی منصوبے کی منظوری دی گئی۔ اجلاس میں فیصلہ کیا گیا کہ پینشن اور معذوری کے حقوق کو تنخواہ کے طور پر نہیں سمجھا جائے گا، اسی وجہ سے سرکاری ادارے ریٹائرڈ اور معذور افراد کو عارضی بنیادوں پر ملازمت دے سکتی ہے۔ اجلاس میں اقتصادی کمیشن کو ہدایت دی گئی کہ وہ ہرات (کشک ترپل) کے جیو فزیکل سروے کے نفاذ کے اعلان کی چھان بین کے بعد فیصلہ کرے اور بوستان سبز ایگریکلچر اینڈ لائیو سٹاک کمپنی کی قانونی حیثیت کا تعین کرنے کے بعد اسے فعال کرے۔ پرانے شیئر ہولڈرز کے ساتھ اقدامات کریں اور اگر انہیں مسائل درپیش ہوں تو نئی کمپنیوں کے ساتھ معاہدے کی تفصیلات کابینہ اجلاس میں پیش کریں۔ اس کے علاوہ ادارہ شماریات و اطلاعات کی جانب سے کمپیوٹرائزڈ تذکرہ ( شناختی کارڈ) کے لیے 500 افغانی، کاغذی تذکرہ کی تجدید اور تصدیق کے لیے 200 افغانی، بچے کی پیدائش کےلیے کارڈ پر 200 اور بالغوں کے لیے 500 افغانی۔ غیر حاضر افراد کے تذکرے کی توثیق یا تقسیم کےلیے 200 افغانی اور غیر حاضر پیدائشی کارڈ کی تقسیم کے لیے بھی 200 افغانی منظور کی گئی۔ کابینہ کے اجلاس میں نیشنل فوڈ اینڈ ڈرگ ایڈمنسٹریشن کی جانب سے غیر ملکی کمپنیوں اور ادویہ ساز اشیا کی رجسٹریشن کے طریقہ کار کی منظوری دی گئی۔ اس کے علاوہ 20 ثور کو نیشنل ایکسپورٹ ڈے کے نام سے موسوم کیا گیا۔
یہ مضمون بغیر لیبل والا ہے۔
دیدگاهها بسته است.