کابل(بی این اے) وزیر اعلی تعلیم اور انکے ہمراہ وفد نے کابل یونیورسٹی کی اکیڈمک کونسل میں شرکت کے علاوہ یونیورسٹی کے مختلف حصوں کا دورہ کیا۔ وزیر ہائر ایجوکیشن مولوی ندا محمد ندیم اور مزکورہ وزارت کے اکیڈمک ڈپٹی ڈاکٹر لطف اللہ خیرخواہ نے اس دورے کے دوران کابل یونیورسٹی کے عہدیداروں اور اساتذہ کی سرگرمیاں، کامیابیاں، مسائل اور تجاویز سنیں۔ اعلیٰ تعلیم کے سرپرست وزیر نے کابل یونیورسٹی کی اکیڈمک کونسل کے اجلاس میں کہا کہ: ملک کے تعلیمی اداروں کے دوروں کے دوران انہوں نے بہت سے پروفیسرز اور مذہبی علماء سے ملاقاتیں کیں اور ان کے مطابق دونوں طبقوں نے جدید اور مذہبی علوم کے درمیان فاصلے کو ختم کرنے کا مطالبہ کیا۔ وزیر اعلیٰ تعلیم نے کابل یونیورسٹی کے عہدیداروں اور اساتذہ کی کامیابیوں اور سرگرمیوں کو سراہا اور مذکورہ یونیورسٹی کی ضروریات کو پورا کرنے، اور مسائل حل کرنے کی یقین دہانی کرائی۔ بعد ازاں کابل یونیورسٹی کے ڈائیریکٹر ڈاکٹر اسامہ عزیز اور وائس چانسلر پروفیسر محمد شفیع شریفی نے مذکورہ یونیورسٹی کی تاریخ اور کامیابیوں کے بارے میں معلومات فراہم کیں اور اپنے مسائل اور تجاویز وزیر اعلیٰ تعلیم کے ساتھ شریک کیں۔ وزیر اعلی تعلیم نے کابل یونیورسٹی کے حکام کے ہمراہ لیبارٹریز، جنرل لائبریری، آن لائن ریسورس سینٹر اور یونیورسٹی کے دیگر حصوں کا دورہ کیا۔ ایک اور خبر کے مطابق؛ وزارت اعلیٰ تعلیم کے سربراہ نے صوبہ پکتیکا کے ضلع برمل کے متعدد مذہبی اسکالرز اور قبائلی رہنماؤں سے ملاقات میں وزارت اعلیٰ تعلیم سے متعلق مسائل کے حل کی یقین دہانی کرائی اور وعدہ کیا کہ دیگر مسائل کے حل کے لئیے متعلقہ اداروں سے بات چیت کرینگے۔