نام کاربری یا نشانی ایمیل
رمز عبور
مرا به خاطر بسپار
سالانہ کارکردگی رپورٹ:
کابل: الامارہ اردو
وزارت انصاف کے حکام نے میڈیا سینٹر میں حکومتی احتساب پروگرام کے تحت پریس کانفرنس کے دوران وزارت کی ایک سالہ سرگرمیوں اور کامیابیوں کے متعلق تفصیلی معلومات پیش کیں۔ وزارت انصاف کے حکام نے پریس کانفرنس میں کہا: “گذشتہ ایک سال کے دوران قوانین اور ضابطوں سمیت 49 قانونی دستاویزات کی تصدیق مکمل کرکے متعلقہ حکام کو دی گئی ہے۔ اس کے علاوہ سرکاری طور پر مختلف وزارتوں اور اداروں کو مختلف شعبوں میں 259 قانونی مشورے بھی دیے گئے ہیں۔ وزارت انصاف کے حکام نے مزید کہا کہ گذشتہ سال 17506 قانونی مقدمات اور 79572 درخواستیں موصول ہوئی تھیں اور 8328 فیملی، دیوانی اور کمرشل قانونی مقدمات کو عدالتوں سے رجوع کرنے سے پہلے ہی نمٹا دیا گیا تھا، اس کے علاوہ عدالتوں کے فیصلوں کے بعد 1343 دیوانی اور کمرشل قانونی مقدمات پر عمل درآمد کیا جا چکا ہے۔ حکام کے مطابق 1,000 قانونی آگاہی پروگراموں کے ذریعے 55,781 افراد کو قانونی آگاہی فراہم کرنا، 586 ضرورت مند شہریوں کو قانونی مشورہ فراہم کرنا، رضاکاروں اور مبلغین کے لیے چار تعلیمی ورک شاپس کا انعقاد، مبلغین کی سرگرمیوں کی نگرانی، قانونی امداد کے شعبے میں وزارت کی کامیابیاں ہیں۔ حکام کے مطابق رفاہی اداروں کے ٹرانزیکشن گائیڈنس اور پٹیشن رائٹرز کے لیے 1737 لائسنس رجسٹرڈ اور تجدید کیے گئے ہیں۔ اس کے علاوہ قانونی و سرکاری دستاویزات کے ترجمے کے سلسلے میں 968 دستاویزات کا ترجمہ اور تصحیح مکمل کرلی گئی ہے اور ترجموں کے 28 لائسنس جاری کیے گئے ہیں۔ حکام کا کہنا ہے کہ 2022 ڈیفنس اٹارنی لائسنسوں کی تجدید، 1600 ٹیکس بیلنس فارمز کی تقسیم، وکلا اور موکلین کی جانب سے 17 شکایات تک رسائی اور ملک کے مختلف زونز میں وکلا بار کا قیام اور اس کی مسلسل نگرانی وکلا کے شعبے میں مذکورہ وزارت کی سرگرمیوں میں سے ہیں۔ 64 قانونی دستاویزات کی ترمیم، پروف ریڈنگ اور پرنٹنگ، ملکی سطح پر غریب، مشتبہ افراد اور ملزمان کے حقوق کا دفاع، 3000 پبلک پراپرٹی کیسز کا دفاع، کمیونٹی لین دین کے رہنما خطوط اور درخواستوں کے لیے لائسنس کی رجسٹریشن اور تجدید، وکالت کی مشق کے لیے لائسنس کی تقسیم و تجدید، وکلا کی نگرانی اور کنٹرول رواں سال کےلیے مذکورہ وزارت کے اہم منصوبوں میں سے ہے۔
یہ مضمون بغیر لیبل والا ہے۔
دیدگاهها بسته است.