نام کاربری یا نشانی ایمیل
رمز عبور
مرا به خاطر بسپار
کابل (بی این اے) نائب وزیر اعظم برائے سیاسی امور مولوی عبدالکبیر نے وزارت داخلہ کے سیکریٹری اینٹی نارکوٹکس مولوی عبدالحق سے ملاقات میں منشیات کے خاتمے اور شہریوں کی حفاظت مضبوط بنانے پر زور دیا۔ نائب وزیر اعظم کے پریس آفس نے آج یہ خبر دی ہے کہ مولوی عبدالکبیر نے وزارت داخلہ کے سیکریٹری اینٹی نارکوٹکس مولوی عبدالحق سے ملاقات کی۔ اس ملاقات میں مولوی عبدالحق نے منشیات کے خاتمے کے اقدامات اور حالیہ پیش رفت کے بارے میں معلومات دیتے ہوئے کہا گزشتہ 18 ماہ کے دوران ملک میں منشیات کے خلاف جنگ سنجیدہ رہی ہے۔ انہوں نے کہا کہ وزارت داخلہ نے درجنوں ایسے مقامات تباہ کردیے جو منشیات کی سمگلنگ اور استعمال کے مراکز تھے اور ملک کے مختلف حصوں سے ہزاروں منشیات کے عادی افراد کو اکٹھا کر کے ان کا علاج کیا گیا ہے۔ مولوی عبدالحق نے یہ بھی کہا کہ وزارت داخلہ ملک میں منشیات کی اسمگلنگ اور منشیات کی پیداوار ختم کرنے کی کوشش کر رہی ہے۔ مولوی عبدالکبیر نے اس بات پر زور دیا کہ وہ اپنے ہم وطنوں کی سلامتی مضبوط بنانے اور منشیات کے خاتمے کے لیے اپنی کوششیں جاری رکھیں تاکہ لوگ پرسکون اور محفوظ ماحول میں صحت مند زندگی گزار سکیں۔ معاملات بہتر بنانے کے لیے نائب وزیر اعظم نے مولوی عبدالحق کو ضروری ہدایات دیں۔
دیدگاهها بسته است.