نام کاربری یا نشانی ایمیل
رمز عبور
مرا به خاطر بسپار
کابل(بی این اے ) نائب وزیر اعظم برائے سیاسی امور مولوی عبدالکبیر سے آج جہادی اور عوامی شخصیت حاجی عزیز اللہ دین محمد سمیت متعدد قبائلی رہنماؤں اور علماء کرام نے سپیدار پیلس میں ملاقات کی۔ ارگ نے ایک پریس ریلیز میں کہا کہ حاجی دین محمد نے مستقل اور معاشی استحکام کے لیے افغانستان کی ضروریات کا ذکر کرتے ہوئے درخواست کی کہ ملکی صلاحیتوں اور عملہ کو ملک کی اقتصادی مضبوطی اور تعمیر نو میں استعمال کیا جائے۔ علاوہ ازیں قبائلی رہنماؤں نے اپنی گفتگو میں اس بات پر زور دیا کہ عوام اور امارت اسلامیہ کے درمیان موجودہ ہم آہنگی اور تعاون کو مزید وسعت دی جائے تاکہ علاقائی سطح پر حکومت اور عوام کے درمیان کوئی خلیج باقی نہ رہے۔ امارت اسلامیہ کو اپنے مکمل تعاون کی یقین دہانی کے ساتھ ساتھ انہوں نے دور دراز علاقوں میں صحت، تعلیم اور سڑکوں کی بحالی کے شعبوں پر خصوصی توجہ دینے کی درخواست کی۔ مولوی عبدالکبیر نے کہا کہ امارت اسلامیہ ، افغانستان کی تعمیر نو پر زیادہ توجہ دے رہی ہے اور قومی بجٹ میں تعمیراتی منصوبوں کی سطح ہر سال بڑھے گی۔ انہوں نے کہا کہ امارت اسلامیہ کے ساتھ عوام کا تعاون ملکی سطح پر بڑے منصوبوں کی تکمیل کا باعث بنا ہے۔
یہ مضمون بغیر لیبل والا ہے۔
دیدگاهها بسته است.