نام کاربری یا نشانی ایمیل
رمز عبور
مرا به خاطر بسپار
کابل( بی این اے ) امارت اسلامیہ افغانستان کے وزیر اعظم ملا محمد حسن اخوند سے آج ازبکستان کے وزیر خارجہ بختیار سیدوف، افغانستان کے لیے ازبکستان کے صدر کے خصوصی نمائندے عصمت اللہ ارگاشیف اور وفد نے ملاقات کی۔
ملاقات میں ازبکستان کے وزیر خارجہ نے امارت اسلامیہ افغانستان کے وزیر اعظم ملا محمد حسن اخوند کو ازبکستان کے صدر شوکت مرضیایف کا تہنیتی پیغام پہنچایا۔
ازبکستان کے وزیر خارجہ بختیار سیدوف نے کہا کہ: “ازبکستان کے صدر ہمیشہ ازبکستان اور افغانستان کے درمیان بھائی چارے اور دوستانہ تعلقات پر زور دیتے ہیں اور کہتے ہیں کہ افغانستان کو کبھی تنہا نہیں چھوڑنا چاہیے۔”
انہوں نے مزید کہا کہ ازبکستان تمام اہم امور بالخصوص اقتصادی اور زرعی منصوبوں پر عمل درآمد کے حوالے سے اپنے کامیاب تجربات افغانستان کے ساتھ شیئر کرنے کے لیے تیار ہے۔
افغانستان میں بہترین سیکورٹی صورتحال کا ذکر کرتے ہوئے ازبکستان کے وزیر خارجہ نے کہا کہ ازبکستان افغانستان میں سیمنٹ فیکٹری ، کوئلہ نکالنے اور 200 میگاواٹ بجلی پیدا کرنے کے منصوبوں میں سرمایہ کاری کرنا چاہتا ہے۔
ٹرانس افغان ریلوے منصوبے کا ذکر کرتے ہوئے انہوں نے کہا کہ مستقبل قریب میں ازبکستان سے ایک پیشہ ور اور ماہر ٹیم اس منصوبے کے تکنیکی پہلوؤں کا جائزہ لینے کے لیے افغانستان آئے گی۔
اسی دوران امارت اسلامیہ افغانستان کے وزیر اعظم ملا محمد حسن اخوند نے ازبکستان کے وزیر خارجہ اور وفد کا خیرمقدم کیا اور مزید کہا: “ازبکستان کے صدر شوکت میرضیایف اور معزز کابینہ کے اراکین کو بھی میرا سلام اور نیک تمنائیں پہنچائیں”
امارت اسلامیہ افغانستان کے وزیر اعظم ملا محمد حسن اخوند نے افغانستان اور ازبکستان کو دو مسلم برادر ممالک قرار دیا جو مذہبی، ثقافتی اور تاریخی حوالوں سے ایک دوسرے منسلک ہیں ۔
وزیراعظم نے واضح کیا کہ اگرچہ افغانستان کو گزشتہ چند دہائیوں میں بہت سے مسائل کا سامنا تھا تاہم ازبکستان کے افغانستان کے ساتھ اچھے تعلقات ہیں اور اس نے ہمیشہ ہماری مدد کی ہے۔
امارت اسلامیہ افغانستان کے وزیر اعظم نے ازبکستان کے وزیر خارجہ کو مذکورہ منصوبوں پر عمل درآمد میں امارت اسلامیہ کے تعاون کی یقین دہانی کرائی اور مزید کہا کہ میں نے اپنے متعلقہ اداروں اور حکام کو ہدایت کی ہے کہ یہ منصوبے ان منصوبوں کی تکمیل میں مکمل ہم آہنگی اور تعاون کریں ۔ ٹرانس افغان ریلوے منصوبے کا ذکر کرتے ہوئے ملا محمد حسن اخوند نے کہا کہ ازبکستان کے وفد کو افغان فریق کے ساتھ مل کر اپنا کام شروع کرنا چاہیے۔
آخر میں ازبکستان کے وزیر خارجہ نے امیر المؤمنین شیخ القرآن و الحدیث مولوی ہیبت اللہ اخندزادہ کو بھی اپنے صدر کے مبارکباد کا پیغام پہنچانے کی درخواست کی۔
ملاقات کے دوران وزیر معدنیات و پیٹرولیم شیخ شہاب الدین دلاور اور وزیر خارجہ مولوی امیر خان متقی بھی موجود تھے۔
یہ مضمون بغیر لیبل والا ہے۔
دیدگاهها بسته است.