نام کاربری یا نشانی ایمیل
رمز عبور
مرا به خاطر بسپار
کابل( بی این اے ) نائب وزیر اعظم برائے سیاسی امور مولوی عبدالکبیر نے آج کابل کے علاقے چاردھی کے متعدد قبائلی عمائدین اور علماء سے ملاقات میں کابل شہر میں پانی کی قلت کے مسئلے کو حل کرنے کی یقین دہانی کرائی ہے۔ اس ملاقات میں قبائلی رہنماؤں اور علمائے کرام نے موجودہ امن و استحکام کو ملک کی تعمیر و ترقی کے لیے ایک اچھا موقع قرار دیا اور کابل ماسٹر پلان کے مطابق چاردھی کے علاقے میں ترقیاتی سرگرمیاں شروع کرنے کی درخواست کی۔ انہوں نے اعلیٰ تعلیم کے لیے دارالعلوم کی تعمیر، سڑکوں کی توسیع اور دیگر کئی مسائل کے حل کا مطالبہ کیا۔ انہوں نے کہا کہ انہیں پینے کے صاف پانی کی کمی کا سامنا ہے اور ان مسائل کے حل کے لیے وہ امارت اسلامیہ سے شاہ توت ڈیم بنانے کا مطالبہ کیا، جس سے کابل کے دیگر علاقوں کو بھی فائدہ پہنچے گا۔ اس کے ساتھ ہی مولوی عبدالکبیر نے کابل چاردہی کے علاقے کے قبائلی رہنماؤں اور علمائے کرام کو خوش آمدید کہا اور کہا کہ امارت اسلامیہ عوام کی ضروریات پر پوری توجہ دے رہی ہے اور کابل میں پانی کی قلت کے مسئلے کو حل کرنے کی کوششیں شروع کر دی گئی ہیں۔ ان کے مطابق، امارت اسلامیہ قومی بجٹ کی مدد سے کابل کے آبی وسائل کو منظم اور بحال کرنے کی کوشش کر رہی ہے۔ نائب وزیر اعظم نے کابل کے چاردہی علاقے کے رہائشیوں کو یقین دلایا کہ ان کے مطالبات پر غور کیا جائے گا۔
یہ مضمون بغیر لیبل والا ہے۔
دیدگاهها بسته است.