نام کاربری یا نشانی ایمیل
رمز عبور
مرا به خاطر بسپار
امارت اسلامیہ افغانستان کے کابینہ سیشن کا سولھواں اجلاس افغانستان کے وزیر اعظم ملا محمد حسن اخند کی سربراہی میں منعقد ہوا، جس میں مختلف امور پر بحث ہوئی اور فیصلے کیے گئے۔ کابینہ اجلاس میں خوست میں ہیلتھ کمپلیکس بنانے کے منصوبے کی منظوری دے دی گئی۔ سرکاری کمپنیوں کے بورڈ کے چیئرمین مولوی احمد جان بلال کی سربراہی میں کمیٹی کو اس سلسلے میں بنائے گئے پلان کا بغور جائزہ لینے اور متعلقہ اداروں کو اپنا کام انجام دینے کی ذمہ داری سونپی گئی۔ اجلاس میں فیصلہ کیا گیا کہ کابل شہر کے پانچویں مکروریان کے معاملات کی ترقی کے حوالے سے کمیٹی کی رائے سپریم کورٹ کے ساتھ شیئر کی جائے اور عدالت اس معاملے کو ترجیحی بنیادوں پر حل کرے تاکہ ان کے کام شروع ہو اور لوگوں کو ان کا حق پہنچے۔ اجلاس میں امارت اسلامیہ کے انتظامی کمیشن کو یہ ٹاسک دیا گیا کہ وہ وزارت محنت و سماجی امور کی جانب سے قومی روزگار پالیسی کے حوالے سے بنائے گئے مسودوں کا جائزہ لے کر کابینہ کے اجلاس میں منظوری کے لیے پیش کرے۔
یہ مضمون بغیر لیبل والا ہے۔
دیدگاهها بسته است.